التهاب العصب السابع في الوجه الاسباب والعلاج من صفحة زا دكتور

التهاب العصب السابع في الوجه الاسباب والعلاج من صفحة زا دكتور التهاب العصب السابع يعنى إيه؟ ومين السابع ده؟ ومش الساتت ليه 😁 ...

التهاب العصب السابع في الوجه الاسباب والعلاج من صفحة زا دكتور

التهاب العصب السابع يعنى إيه؟ ومين السابع ده؟ ومش الساتت ليه 😁
✅ بص يا سيدى عندنا حاجة اسمها أعصاب مركزية ودى بتكون طالعة من المخ مباشرة.
-----------
✅ الأعصاب المركزية بنرقمهم من 1 إلى 12 وهم مسئولين عن كل حاجة بتحصل فى الرأس من حركة العين وحركة عضلات الوجه واللسان والتذوق والبلع والغمز 😁
-----------
✅ العصب السابع ده هو العصب الوجهى اللى مسئول عن حركة عضلات الوجه وحاجات أخرى كتير.
-----------
🚩 بيحصل له التهاب ازاى؟
✅ بص يا سيدى .. العصب ده بيعدى فى خنادق وأنفاق كتير فى الجمجمة ويدوب يعنى على المقاس بتاعه بالضبط.. فلما بيحصل التهاب (العصب بيتنفخ) فبيتزنق فى النفق وبالتالى الشرايين الصغيرة اللى فيه مش هاتعدى الدم لباقى العصب اللى بعد النفق وبالتالى يحصل ضعف فى العصب.
✅ يعنى تخيّل واحد ماسك خرطوم مياه وبيعدى من الباب.. عادى
تخيل بقى لو الشخص ده أتخن من الباب؟ هايتزنق وخرطوم المياه اللى ماسكه هايتسد 😁 ولذلك الدم هايقل لمنقطة ما بعد الزنقة.
----------
إيه أشهر أسباب التهاب العصب السابع؟
✅ فيروس الانفلونزا والبرد العادى ده.
✅ التهاب تنفسى بفيروس اسمه Adenovirus
✅ فيروس الهربس.
✅ فيرس الحصبة الألمانية وأبو اللُكيم Mumps
✅ الفيروس اللى اتكلمنا عليه قبل كده اللى بيسبب مرض القُبلة دوروا عليه فى البوستات.
✅ التقلبات الجوية (من جو دافىء لبارد والعكس) من أشهر أسباب التهاب العصب السابع لذلك.
🔹🔹 الناس اللى بتسوق عربياتها فى الشتاء وفاتحين الشباك / سواقين الدليلفرى فى الشتاء خلوا بالكم وغطوا وشكم كويس جداً.
----------
🚩 إيه الأعراض بتاعته ؟
✅ ضعف فى عضلة الوجه فى ناحية بيحدث بسرعة يمكن ساعات.
✅ صعوبة تحريك عضلات الوجه والعين (يعنى مش عارف تغمز للبنت 😁)
✅ صعوبة فى أنك تضم شفايفك (مش عارف اتف 😁)
✅ ممكن قلة فى حاسة السمع والتذوق.
----------
🚩 الوقاية منه؟ ملوش وقاية لو جه جه خلاص بس نلحقه بسرعة ونروح لدكتور الأنف والأذن أو المخ والأعصاب عشان نبدأ دورة العلاج بسرعة لأن كل ما نبدأ بدرى كل ما يبقى أحسن.
✅ العلاج ممكن ياخد 6 شهور وأكثر لذلك لازم نبدأ بسرعة ونبقى صبورين.
---------
🚩 أختاه لو لقيتى واحد عينه مقفولة وعين مفتوحة وبيبصلك بقرف ده مش بيعاكسك ده عنده عصب سابع وانصحيه يروح يكشف😁.
🚩 أخى لو لقيت نفسك مش عارف تغمز ولا تتف يبقى عندك عصب سابع روح اكشف انت كمان 😁.
---------
#اللمبى_العصب_السابع
تابعوا صفحة ZaDoctor للمعلومات الطبية المفيدة.

https://www.facebook.com/zadoctor/photos/a.362576137882082/583628725776821/?type=3&theater